Ապօրինի գույքի հարցով գլխավոր դատախազի տեղակալ է նշանակվելու, թող նա էլ մտածի. Նիկոլ Փաշինյան

Ապօրինի գույքի հետբերման գործընթացի համար Գլխավոր դատախազությունում նոր հաստիք է բացվելու՝ գլխավոր դատախազի տեղակալի մակարդակով: «Թող ինքն էլ մտածի այդ հարցերի մասին»,- այսօր հրավիրած ասուլիսում ասաց վարչապետ Նիկոլ Փաշինյանը:

«Մեր խնդիրը կառավարության քաղաքական կամքն արձանագրելն էր, որ ապօրինի գույքը պետք է վերադրաձվի: Եվ հիմա մենք պետք է ամեն ինչ անենք, քաջալերենք, որ այդ պրոցեսը տեղի ունենա մաքսիմալ արդյունավետ: Մենք ցուցակներ չենք ձևավորում, ցուցակներն իրենք կոռուպցիոներներն են ձևավորել իրենց գործունեությամբ»,- հավելեց Փաշինյանը: