Վրաստանը պետք է զբոսաշրջության  համաշխարհային շուկայում վիրուսի տարածման տեսանկյունից անվտանգ երկրի դիրք գրավի: Այսպիսի ցանկություն է հայտնել երկրի վարչապետ Գիորգի Գախարիան:

«Վրաստանը կարող էր օգտագործել կորոնավիրուսային պանդեմիայի հետևանքով առաջացած ճգնաժամը ՝ որպես տնտեսական զարգացման հնարավորություն»,- ասել է Վրաստանի վարչապետ Գիորգի  Գախարիան Աջարիայում` հյուրանոցային և զբոսաշրջային ​​բիզնեսի ներկայացուցիչների հետ հանդիպմանը: Քննարկվել են զբոսաշրջության վերաբացման կառավարության առաջիկա ծրագրերը: Իշխանությունը պատրաստակամություն է հայտնել նոր իրողությունների լույսի ներքո աջակցելու ոլորտին՝ վերսկսելու աշխատանքը:

Վրաստանում կորոնավիրուսի հաջող հաղթահարումից հետո իշխանությունները որոշում կայացրին հունիսի 15-ից վերաբացել ներքին զբսաշրջությունը, հուլիսի 1-ից`միջազգային:

Վրաստանի վարչապետն այդ երկիր ժամանել ցանկացող զբոսաշրջիկներին խոստանում է լիարժեք, անվտանգ հանգիստ,  այսպես կոչված, «փոքր, շարժական կանաչ գոտիներում»։ Դա արվում է զբոսաշրջիկներին և տեղացիներին վարակից ապահովագրելու համար։

Նրա հայտարարությամբ՝ պետք է օգտվել ճգնաժամի հետևանքով տրանսպորտային ցանցերի առաջարկի և պահանջարկի կառուցվածքում տեղի ունենալիք տեկտոնական փոփոխություններից և տնտեսության ամենաուժեղ կողմերը վերածել մրցակցային առավելության․

«Այժմ մենք կարող ենք մեր տնտեսության ամենաուժեղ կողմերը վերածել մրցակցային առավելության`գրանցելով առաջընթաց… Այսօր Վրաստանն ունի բոլոր տվյալներն այս ճգնաժամը որպես առիթ օգտագործելու համար` հատկապես տնտեսության մեջ… Ակնհայտ է, որ հեշտ չի լինի, սակայն սա միակ հնարավորությունն է Վրաստանի համար՝ դառնալու առաջին երկրներից մեկը, որը սկսել է փուլ առ փուլ և զգուշորեն բացել տուրիզմի ոլորտը»,- ասել է Գախարիան:

Զբոսաշրջության համաշխահային կազմակերպությունը Առողջապահության համաշխարհային կազմակերպության հետ առաջիկայում կներկայացնեն հստակ կանոններ՝ զբոսաշրջային ոլորտը բացելու և ճանապարհորդությունների մասին։