Վրաստանը չի խզի դիվանագիտական ​​հարաբերություններն Ուկրաինայի հետ Սաակաշվիլիի պատճառով. վարչապետ

Վրաստանի վարչապետը վստահեցրել է, որ երկրի նախկին նախագահ Միխայիլ Սաակաշվիլիի պատճառով Վրաստանը չի խզի դիվանագիտական ​​հարաբերությունները Ուկրաինայի հետ, սակայն մարտավարություն կմշակի «արկածախնդիրներից վրաց-ուկրաինական հարաբերությունները պաշտպանելու համար»:  Միևնույն ժամանակ, նա նշել է, որ իրեն հետաքրքիր է՝ ինչպես են Ուկրաինայի իշխանությունները զսպելու Սաակաշվիլիին, որպեսզի չմիջամտի Վրաստանի հետ գործերին: 
«Բնականաբար, մենք չենք կասկածի տակ չենք դնի մեր ռազմավարական գործընկերությունը և ժողովուրդների եղբայրությունը անպատասխանատու քաղաքական գործիչների պատճառով: Թեև հետ ենք կանչել մեր դեսպանին, սակայն դա չի նշանակում, որ մենք հարցականի տակ կդնենք մեր դիվանագիտական ​​հարաբերությունները կամ ռազմավարական գործընկերությունը:  Դեսպանին հետ ենք կանչել՝ խորհրդակցելու, թե ինչպես պաշտպանենք մեր հարաբերությունները արկածախնդիր քաղաքական գործիչներից»,- ասել է Գախարիան: