ՀՀ վարչապետ Նիկոլ Փաշինյանը քիչ առաջ ԱԺ ամբիոնից անդրադարձավ այսօր առավոտյան տեղի ունեցած միջադեպին։ 

Վարչապետը պատմեց, թե ինչ ՝ խոսել երեկ Էդմոն Մարուքյանի հետ տեղի ունեցած հանդիպման ժամանակ:

«Երեկ «Լուսավոր Հայաստան» խմբակցության ղեկավարն ինձ հրավիրել է սուրճ խմելու, ես ընդունել եմ հրավերը, իջել եմ իմ նախկին աշխատասենյակը, որտեղ պարոն Մարուքյանն է նստում և ուղիղ ասել եմ՝ այո՛, պարոն Մարուքյան, մենք բոլորս ունենք հիմքեր կասկածելու, որ Դուք և Ձեր գործունեությունը այդ ողջ բարոյահոգեբանական բռնությունները և ֆիզիկական բռնություններ գործարկելու պլանի մի անբաժան մասն է: Ես, դիտելով այսօր առավոտյան տեղի ունեցածի տեսագրությունը, մի պարզ հարց եմ տալիս. կներեք, որ այսպիսի մանրամասների մեջ եմ մտնում: Միջադեպը, որը դատապարտելի է, տեղի է ունեցել այ, այնտեղ, հարց՝ իսկ ի՞նչ գործ ուներ ելույթ ունեցողը այնտեղ կանգնած, և երբ ամբիոնից իջնում էր և մեծ արագությամբ ընթանում էր դեպի պատգամավոր Սասուն Միքայելյանը, ինչի՞ համար էր գնում՝ քաղաքական երկխոսություն ծավալելո՞ւ»,- ասաց ՓաշինյանԸ;