Հայտնի է, թե որ սահմանափակումները կվերացվեն մայիսի 4-ից. փոխնախարարը մանրամասնում է

Մայիսի 4-ից նոր փոփոխությունների փաթեթ է ուժի մեջ մտնելու: Այս մասին այսօր ասուլիսի ժամանակ ասաց ՀՀ էկոնոմիկայի նախարարի տեղակալ Վարոս Սիմոնյանը:

Նրա խոսքերով՝ հանվելու է ազատ տեղաշարժի սահմանափակումը: Սա նշանակում է, որ ՀՀ քաղաքացիները ՀՀ տարածքում ազատ տեղաշարժվելու իրավունք կունենան:

«Փակ են լինելու նաև մոլերն ու հանրախանութները, բայց ահա սննդի, պարենային խանութները, գյուղատնտեսական արտադրատեսակների շուկաները կգործեն: Բացվելու է մշակվող արդյունաբերությունը, տեքստիլի արտադրությունը, կահույքի արտարդությունը և այլն: Հանրային սննդի կազմակերպման մասով կգործեն այն սրճարանները, ռեստորանները, որոնք բացօթյա տարածքներ ունեն: Փակ տարածքներում սպասարկում չի իրականացվելու»- ասաց փոխնախարարը՝ նշելով, որ տրանսպորտի արգելքը ևս կպահպանվի: