Ազգությունը մի շահարկեք․ ՌԴ դեսպանը՝ Հայաստանում մնացած Ռուսաստանի քաղաքացիներին
Արտերկրում, այդ թվում Հայաստանում գտնվող ՌԴ քաղաքացիների վերադարձի հարցը գտնվում է ՌԴ իշխանությունների ուշադրության կենտրոնում։ Այս մասին Ֆեյսբուքի տեսաուղերձում ասել է Հայաստանում ՌԴ արտակարգ եւ լիազոր դեսպան Սերգեյ Կոպիրկինը։
Ըստ նրա, այս խնդրի լուծումը կախված է կորոնավիրուսով պայմանավորված իրավիճակից, քանի որ թե օդային, թե ցամաքային ուղեւորափոխադրումենրը դադարեցված են։ Նա վստահեցրել է, որ իրենք այս հարցով բանակցում են նաեւ Վրաստանի իշխանությունների հետ, որն արգելում է իր տարածք մուտքն ու ելքը։
Դեսպանն ասել է, որ իրենց հասցեին անհարկի քննադատություններ են հնչում, հատկապես սոցհարթակներում։ Նա խնդրում է Հայաստանում մնացած ՌԴ քաղաքացիներին համբերատար լինել։ Դեսպանը նաեւ հորդորեց ազգությունը չշահարկել, քանի որ իրենց համար ՌԴ անձնագիր ունեցողները, անկախ ազգությունից, կարեւոր են։
