Եթե մենք հանկարծ ապրիլի 24-ին էմոցիոնալ գտնվենք, կարող է աղետներ բերենք մեր գլխին. վարչապետ

Առաջիկայում ունենք շատ կարեւոր հիշատակի օրեր եւ տոներ, եթե մենք հանկարծ մենք գտնվենք էմոցիոնալ, կարող է աղետներ բերենք մեր գլխին: Այս մասին, այսօր՝ ապրիլի 16-ին, կառավարության նիստում նշեց ՀՀ վարչապետ Նիկոլ Փաշինյանը:

«Առաջիկայում ապրիլի 24-ն է եւ ես չեմ կարծում, որ եթե այդ օրը մեր էմոցիոնալ պահվածքի հետեւանքով հարյուրավոր մարդիկ մահանան, դրանով Ցեղասպանության մեր նահատակների հոգիներն ավելի հանգիստ կլինեն: Մենք պետք է լինենք ճշգրիտ, կարգապահ, եթե ուզում ենք, որ սահմանափակումները գնալով թուլանան: Մյուս կողմից տարբերակ էլ չունենք, չենք կարող  տնտեսությունը ուղղակի փակել»,-ասաց Փաշինյանը:

Նա նկատեց, որ այսօր մարդիկ մեկ ամսից ավելի տներում փակված են, հոգեբանական ճնշման տակ են. «Պետք է սովորենք ապրել կորոնավիրուսի պայմաններում»։