Թուրքիայում կորոնավիրուսի զոհերի թիվը հասել է 30-ի

Թուրքիայում կորոնավիրուսի զոհերի թիվը հասել է 30-ի, տեղեկացնում է թուրքական NTV հեռուստաընկերության կայքը՝ մանրամասնելով, որ բոլորը մահացածները տարեց մարդիկ են:

«Մենք նոր զոհեր ունենք, ախտահարման դեպքերի քանակն աճում է: Բայց պետք չէ մոռանալ, որ մենք հնարավորինս շատ թեստեր ենք անցկացրել: Այսօր մենք մահվան 9 և վարակման 289 նոր դեպք ունենք: Եկեք տանը մնանք: Եկեք ռիսկի չդիմենք: Կյանքը տանն է պահպանվում: Ընդհանուր առմամբ մենք անցկացրել ենք 20 345 թեստ: Մահացածների թիվը հասել է 30-ի: Մենք զգուշավորության կոչ ենք անում, եկեք զգույշ լինենք, այս երկիրը չհայտնվի նման սպառնալիքի առաջ»,-ասել է Թուրքիայի առողջապահության նախարարը:

Հայտնի է, որ ամբողջ աշխարհում կորոնավիրուսով վարակվածների թիվը գերազանցել է 338 000-ը, ավելի քան 14 000 մարդ մահացել է, ապաքինվել՝ ավելի քան 99 000-ը: Չինաստանի իշխանություններն անհայտ տեսակի վարակի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին: