Ինչպե՞ս կանցկացվի հեռավար ուսուցումը
«Հանրային հեռուստաընկերության հետ միասին ստեղծել ենք հնարավորություն դասախոսությունների և դասերի անցկացման: Հեռուստաընկերության եթերով 8:30-ից մինչև 9:30 ամեն օր կլինեն դասեր, այնուհետև 11:30-ից մինչև 12:40»,- հայտնեց ԿԳՄՍ նախարար Արայիկ Հարությունյանը:
Ասուլիսի ընթացքում Հարությունյանը ներկայացրեց, որ առաջարկ են ստացել նաև «Յուքոմից», որոնք առանձին ալիք են տրամադրելու նման դասերի անցկացման համար. «Ամբողջ օրը՝ 24 ժամվա ընթացքում, մենք ունենալու ենք նման դասընթացներ: Այժմ արդեն ընթանում են ձայնագրություններ, հավաքում ենք ուսուցիչներ, որոնք դասեր կկարդան, և դրանք կմատուցվեն աշակերտներին: Ունենալու ենք նաև յութուբյան ալիք, որտեղ հավաքվելու են բոլոր այս նյութերը, և այդ ալիքի այցելությունների թրաֆիկը «Յուքոմ» ընկերության հաճախորդների համար լինելու է անվճար»:
ԿԳՄՍ նախարարի խոսքով՝ բուհերի հարցում խնդիր չի լինելու, քանի որ այս ընթացքում հեռավար ուսուցման տարբեր միջոցներով սկսել են իրականացնել ուսուցում, և շուտով այդ իրականացվող գործընթացը մոնիտորինգ կարվի:
