Մանկավարժների աշխատավարձը կպահպանվի. Արայիկ Հարությունյան

ՀՀ կրթության, գիտության, մշակույթի և սպորտի նախարար Արայիկ Հարությունյանը ֆեյսբուքյան ուղիղ եթերում քիչ առաջ հայտարերեց, որ մանկավարժների աշխատավարձը կպահպանվի՝ չնայած կրթական հաստատություններում դասեր չեն լինի մինչեւ մարտի 23-ը: 

«Բացթողնված ծրագրերը լրացվելու են հավելյալ պարապունքների միջոցով, իսկ քննությունները կկազմակերպվեն ավելի ուշ։ Մենք մշակել ենք մի շարք քայլեր, մեթոդներ՝ այս ընթացքում հեռավար ուսուցումը խրախուսելու համար, և ըստ այդ մեթոդների կառաջարկենք ամենապրիմիտիվ ձևից՝ էլեկտրոնային փոստերի միջոցով հաղորդակցությունից, մինչև տեսակապով դասապրոցեսների իրականացումը: Դասերը վերսկսելուն պես նախատեսում ենք լրացուցիչ պարապմունքներ»,- ասաց նախարարը։