Էկլերից մասսայական թունավորման փաստով քրեական գործ է հարուցվել

Վանաձոր քաղաքում այս տարվա հունվարի վերջին էկլեր տեսակի խմորեղենից թունավորվելու փաստի առթիվ օրեր առաջ ոստիկանության Վանաձորի Բազումի բաժնում քրեական գործ է հարուցվել: ՀԺ-ի այս տեղեկությունը հաստատեց ՀՀ ոստիկանության լրատվական վարչության պետի տեղակալ Էդգար Ջանոյանը. «Քրեական գործը հարուցվել է ՀՀ քր.օր.-ի 279 հոդվածի 2-րդ մասի 2-րդ կետով (Անվտանգության պահանջներին չհամապատասխանող ապրանքներ թողարկելը կամ իրացնելը, աշխատանքներ կատարելը կամ ծառայություններ մատուցելը, որոնք անզգուշությամբ վնաս են պատճառել երկու կամ ավելի անձանց առողջությանը): Գործն ուղղարկվել է Քննչական կոմիտե հետագա քննության»: 

Հիշեցնենք՝ հունվարի 27-ից մինչեւ փետրվարի 5-ը Վանաձորի ինֆեկցիոն հիվանդանոց էր տեղափոխվել ավելի քան 60 թունավորված, որոնց մեծ մասը՝ երեխաներ: Թունավորվածների մեջ էին Վանաձորի եւ Ստեփանավան քաղաքների, ինչպես նաեւ Մարգահովիտ գյուղի բնակիչներ: «Ջնարակապատ-էկլեր» ապրանքանիիշն արտադրվել էր Երեւանում գործող «Զեյթուն-Սվիթ» ըներության կողմից: