Մոսկվան արձագանքել է Հայաստանի և Ադրբեջանի սահմանի հրաձգությանը
ՌԴ արտաքին գործերի նախարարության պաշտոնական ներկայացուցիչ Մարիա Զախարովան Մոսկվայում կայացած ճեպազրույցի ընթացքում մեկնաբանել է հայ-ադրբեջանական սահմանին տիրող իրավիճակը՝ կապված վերջերս Ադրբեջանի կողմից Հայաստանի տարածքի ուղղությամբ կատարված հրաձգությունների հետ: Այս մասին հայտնում է Русарминфо-ն:
«Ցավոք, շփման գծում շարունակվում են հրադադարի ռեժիմի խախտումները, որի հետևանքով կան զոհեր և վիրավորներ: Մենք կողմերին կոչ ենք անում զսպվածություն ցուցաբերել, խուսափել ուժի կիրառումից, ակտիվացնել բանակցային գործընթացը, որն ուղղված է իրավիճակի կարգավորման՝ քաղաքական միջոցներով», – ասել է Զախարովան:
ՌԴ ԱԳՆ խոսնակը նաև հայտնել է, որ ռուսական կողմը կշարունակի հետևել այդ թեմային և մեկնաբանություններ կտա:
