ԱՄՆ Կոնգրեսում հայտնաբերվել Է կորոնավիրուսով վարակման առաջին դեպքը
Կորոնավիրուս է հայտնաբերվել ամերիկացի սենատոր Մարիա Քանթուելի (դեմոկրատ՝ Վաշինգտոնի նահանգից) աշխատակազմի անդամներից մեկի մոտ: Այս մասին հայտնում է Politico թերթը՝ հղում անելով իր աղբյուրները:
Նշվում է, որ պացիենտն աշխատում է օրենսդրի գրասենյակում, որը գտնվում է Կոնգրեսի վաշինգտոնյան շենքերից մեկում: Քանթուելը պարտավորեցրել է իր բոլոր աշխատակիցներին այս շաբաթ աշխատել տնից, ինչպես նաև խնդրել է հետազոտվել։
