Վրացի փոխնախարարը կորոնավիրուսով վարակվելու կասկածով մեկուսացվել է
Ալիք Մեդիան-ն գրում է, որ շրջակա միջավայրի պաշտպանության և գյուղատնտեսության նախարարի տեղակալ Յուրի Նոզաձեն ինքնամեկուսացվել է, քանի որ նրա ընտանիքի անդամի մոտ հաստատվել է կորոնավիրուսի առկայությունը: Այս մասին հայտարարել է շրջակա միջավայրի պաշտպանության և գյուղատնտեսության նախարար Լևան Դավիթաշվիլին։
«Պարոն Յուրին ձեռնպահ է մնացել հանրային բոլոր հանդիպումներից, ժողովներից և ճեպազրույցներից: Նա գտնվում է մեկուսացման մեջ, ինչը հաստատում է նրա քաղաքացիական մեծ պատասխանատվությունը: Անցկացրած թեստերով պարոն Յուրիի մոտ կորոնավիրուս չի հաստատվել»,- հայտարարել է Դավիթաշվիլին:
Ֆեյսբուքյան էջում Էկոնոմիկայի և կայուն զարգացման նախարարի տեղակալ Գենադի Արվելաձեն ևս գրառում է արել՝ տեղեկացնելով, որ գտնվում է մեկուսացման մեջ, քանի որ Վրաստանում շփում է ունեցել անձի հետ, որի մոտ հաստատվել է կորոնավիրուսի առկայությունը:
