Ֆիլիպինյան պարբերականը Սթիվ Ջոբսին հայ է անվանել
Ֆիլիպինյան Philstar պարբերականը հրապարակել է մի նյութ, որում խոսվում էր Հայաստանի և այնտեղ այցելելու պատճառների մասին:
Մասնավորապես նշվում է, որ Հայաստանը միավորում է այնպիսի հայտնի մարդկանց, ինչպիսիք են Շառլ Ազնավուրը, Քիմ Քարդաշյանը, Անդրե Աղասին և նույնիսկ Սթիվ Ջոբսը:
«Ի՞նչ ընդհանուր բան ունեն Շերը, Քարդաշյանը, Աղասին, Ազնավուրը և Ջոբսը: Նրանք բոլորը հայ են: Սթիվ Ջոբսի խորթ մայր Կլարա Հակոբյանը հայ էր: Ջոբսը սիրում էր հայկական ամեն ինչը, բացի այդ, ազատ տիրապետել է լեզվին», – գրված է նյութի մեջ:
Հայաստան այցելած նյութի հեղինակները մեծ տպավորություն են ստացել Երևանի հնագույն ձեռագրերի պահոցում՝ Մատենադարանում: Ֆիլիպինցիները Հայաստանում գնահատել են նաև հին քրիստոնեական ավանդույթները, դուդուկի երաժշտական արվեստը, հայկական ավանդական խոհանոցը՝ խաշլամա, բաստուրմա, տոլմա և հարիսա:
Հեղինակները Արարատ լեռն անվանում են Հայաստանի ազգային խորհրդանիշ, որը պատկերված է հանրապետության զինանշանի վրա: Նրանք նաև խոսել են 1915 թվականի Հայոց ցեղասպանության և այն ֆիլմերի մասին, որոնք հիշատակում են Հայաստանը և հայությանը:
