Ադրբեջանի խորհրդարանի նախագահի պաշտոնը կնոջ են վստահել
Ադրբեջանում իշխող կուսակցությունը, որի ղեկավարն է նախագահ Իլհամ Ալիևը, նորընտիր խորհրդարանի նախագահ է ընտրել կնոջ։ Այդ պաշտոնը վստահվել է Սահիբա Գաֆարովային։ Այս մասին հայտնում է ադրբեջանական մամուլը։
Գաֆարովան ծնվել է 1965 թվականին (55 տարեկան է)։ Կրթությամբ բանասեր է, դեռ խորհրդային տարիներից ադրբեջանական համալսարաններում սովորել, ապա նաև դասավանդել է գրականություն և լեզուներ։
Ադրբեջանի 5-րդ գումարման խորհրդարանի պատգամավոր է եղել ու ԵԽԽՎ-ում Ադրբեջանի պատվիրակ։
