Հայտնի է, թե ինչ գործով են բերման ենթարկել օրենքով գող «Օշականցի Գևորիկին»

Օրենքով գող Գևորգ Մելիքյանին՝ նույն ինքը «Օշականցի Գևորիկին», բերման են ենթարկել սպանության փորձի դեպքի առթիվ հարուցված քրեական գործի շրջանակներում։ Այս մասին «Փաստինֆո»-ին հայտնեց ՔԿ դեպարտամենտի տեղեկատվության և հասարակայնության հետ կապերի բաժնի պետ Արամ Ավետիսյանը։ 

Ավելի վաղ հայտնել ենք, որ մարտի 4-ին Աշտարակի բաժնի ծառայողները Օշական գյուղի իր տնից բաժին բերման են ենթարկել, այսպես ասած՝ «օրենքով գող» 50-ամյա տղամարդուն՝ Գևորգ Մելիքյանին՝ Քննչական կեմիտեի Երևան քաղաքի քննչական վարչության ծանր հանցագործությունների քննության բաժնում հարուցված քրեական գործի շրջանակներում։

ՔԿ-ից հայտնեցին, որ նա ունի վկայի կարգավիճակ և բերման է ենթարկվել ՀՀ քրեական օրենսգրքի 34-104-րդ հոդվածի 2-րդ մասի 1-ին կետով և նույն օրենսգրքի 235-րդ հոդվածի 1-ին մասի հատկանիշներով՝ երկու կամ ավելի անձանց սպանության փորձի և ապօրինի հրազեն պահելու համար հարուցված քրեական գործի շրջանակներում։ Հարցաքննությունից հետո օրենքով գողն ազատ է արձակվել։