Այս տարվա ընթացքում սիգի օրինական վաճառքի հարցը կլուծվի. Գրիգորյան

Այս տարվա ընթացքում սիգի հարցը կլուծվի: Այսինքն, եթե վաճառքում սիգ տեսնեք, այն կլինի օրինական, բնօգտագործման վճարը վճարած, լրագրողների հետ զրույցում այսօր ասաց Շրջակա միջավայրի նախարար Էրիկ Գրիգորյանը։

«Այդ սիգն ավելի թանկ կլինի, որովհետև էկոհամակարգի ձուկը չի կարող բուծված ձկանից էժան լինել», - ասաց նախարարը։ 

Նա շեշտեց՝ հանձնարարական են տվել, որպեսզի Սևանա լճում շուրջօրյա, այդ թվում՝շաբաթ-կիրակի օրերին վերահսկողություն իրականացվի, ձկնագողերի հետ հարաբերությունների մեջ մտած անձանց նկատմամբ հարուցվել են տասնյակ քրեական գործեր։

էրիկ Գրիգորյանը միաժամանակ տեղեկացրեց, որ անցյալ տարի Սևանի սիգի արդյունագործական պաշարը եղել է 750 տոննա, այս տարի՝ 70 տոննա։

«Ընդհանուր պաշարը 3 հազար տոննայի չափ է», - ասաց նա։