Իրանում կորոնավիրուսով վարակման դեպքերի ռեկորդային աճ Է արձանագրվել
Իրանը կորոնավիրուսով վարակման դեպքերի թվաքանակի ռեկորդային աճ Է արձանագրել երկրում: Այդ մասին մարտի 6-ին հայտնել Է առողջապահության նախարարության պաշտոնական ներկայացուցիչ Քիանուշ Ջահանփուրը:
«Անցած 24-ժամվա ընթացքում հաջողվել Է հաստատել 1234 դեպք, ինչը ռեկորդային Է: Նոր տվյալների հաշվառմամբ, վարակվածների ընդհանուր թիվը 4747 Է»,- հայտնել Է նա IRINN հեռուստաալիքի եթերում: պաշտոնյայի խոսքով` նման ռեկորային աճը կապված Է այն հանգամանքների հետ, որ իշխանություններն ավելացրել են այն կենտրոնների թիվը, որտեղ կարելի Է վիրուսի ստուգման թեստ անցնել: Այդկերպ հնարավոր է եղել ավելի արագ պարզել վիրուսի մասշտաբները:
