«Օրենքով գողերին» բնորոշ «восьмиконечник»՝ «Վստրեչի Ապերի» ննջասենյակի ջահի վրա

Ինչպես հայտնել ենք, գիշերը ոստիկանները գործողություններ են իրականացրել Արամ Վարդանյանի՝ Վստրեչի Ապերի բնակարանում և նրան պատկանող տարածքներում։ 

Այսօր Վարդանյանի փաստաբանական խումբը լրատվամիջոցների աշխատակիցներին ներկայացրեց բնակարանում տիրող իրավիճակն ու վնասված գույքը։ 

ArmDaily.am-ի թղթակիցը Վստրեչի Ապերի տան ննջասենյակում լուսանկարներ է արել, որտեղ երևում է, որ սենյակում գտնվող 2 ջահերի վրա ութանկյուն աստղեր՝ «восьмиконечник» է պատկերված։ 

Ութանկյուն աստղերը՝ «восьмиконечник» գողական աշխարհում ամենահայտնի դաջվածքներն են, նշանակում է, որ այդ դաջվածքի կրողը «օրենքով գող» է կնքվել: Այդ դաջվածքը արվում է գողական «սխոդկայի» ընթացքում թագադրվելուց հետո: