ԱԱԾ տնօրենը, թե՞ ոստիկանապետն է դավաճաններից մեկը. պատասխանում է Արմեն Գրիգորյանը

Կառավարության նիստից հետո Անվտանգության խորհրդի քարտուղար Արմեն Գրիգորյանը լրագրողների հետ զրույցում անդրադառնալով Փաշինյանի այն հայտարարությանը, թե իրավապահ մարմինների վերին օղակներում դավաճաններ կան, և հարցին՝ թե ինչն է խանգարում, որ այդ դավաճաններից իշխանությունը չի ազատվում, Գրիգորյանը պատասխանեց. «Եթե անուններ տալու անհրաժեշտություն լիներ, վարչապետը դրա մասին կխոսեր։ Համակարգի ներսում պարբերաբար լինում են դեպքեր, երբ չի կատարվում հեղափոխության պահանջներին համապատասխան քայլեր, և երբ դրանք բացահայտվում են, որոշումներ կայացվում են։ Գործնական քայլեր կատարվում են՝ բարեփոխումներից սկսած մինչև որոշումներ, որով օրինակ՝ եղել են մարդիկ, ովքեր այլևս չեն աշխատում»:

Դիտարկմանը՝ ամիսներ առաջ հեռացվեց ԱԱԾ պետը, ոստիկանապետը, արդյոք Գրիգորյանը նրանց նկատի ունի, Անվտանգության խորհրդի քարտուղարն անուններ չնշեց։