Հունգարիայում գրանցվել է կորոնավիրուսով վարակման երկու դեպք
Հունգարիայում հաստատվել է նոր տեսակի կորոնավիրուսով վարակման առաջին երկու դեպքերը: Այդ մասին հայտնել է Reuters-ը չորեքշաբթի, մարտի 4-ին:
Կորոնավիրուսով վարակվածները ուսանողներ են Իրանից: «Մենք ունենք առաջին վարակակիր անձը, ավելի ճիշտ` միանգամից երկուսը, որոնց ստիպված էինք հոսպիտալացնել: Նրանք ախտանիշեր չունեն, բայց վարակի փաստը հաստատվել է»,-ասել է վարչապետ Վիկտոր Օրբանը:
Նշվում է, որ ուսանողները տանն էին գնացել իրանական Նոր տարին նշելու: Հունգարիա վերադառնալուց հետո նրանցից մեկը որոշել է ստուգել, չնայած որ որևէ ախտանշան չի ունեցել: Թեստի արդյունքը դրական է եղել: Ուսանողներից մեկի կինը և մյուսի ընկերուհին մեկուսացվել են:
