Հետազոտել են վարչապետի անվտանգության աշխատակցին․ կորոնավիրուսի կասկածներ չկա. ԱՆ

Վարչապետ Նիկոլ Փաշինյանի անվտանգության աշխատակցի մոտ կորոնավիրուսի կասկածներ չկան: Այս մասին իր ֆեյսբուքյան էջում գրել է ՀՀ առողջապահության նախարարի խոսնակ Ալինա Նիկողոսյանը։

«Վերջինս վատառողջ է եղել, անցել է որոշակի հետազոտութուններ և այժմ իրեն լավ է զգում»,- գրել է Նիկողոսյանը:

Հիշեցնենք` ավելի վաղ վրացական կայքերը, վկայակոչելով «Թայմեր» գործակալությանը, գրել էին, թե վարչապետ Նիկոլ Փաշինյանի անվտանգության աշխատակիցը հոսպիտալացվել է կորոնավիրուսի կասկածով:

Հաղորդվում էր, որ ՀՀ վարչապետի անվտանգության ծառայության աշխատակիցներից մեկի մոտ եղել է բարձր ջերմություն և կորոնավիրուսով վարակման ախտանշաններ: Նշվում էր, որ նրան անմիջապես ուղարկել են Երևանի ինֆեկցիոն հիվանդանոց: