ԱՀԿ-ն մտահոգ է. անհրաժեշտ է մեծացնել պաշտպանիչ միջոցների արտադրության ծավալները

Առողջապահության համաշխարհային կազմակերպությունն մտահոգված է, որ կորոնավիրուսի տարածմամբ պայմանավորված պաշտպանիչ իրերի բացակայությունը սպառնում է մարդկանց կյանքին և արտադրողներին կոչ է արել բարձրացնել բժշկական դիմակների և ձեռնոցների արտադրության ծավալները 40% -ով: Այս մասին ասված է ԱՀԿ մամուլի հաղորդագրության մեջ: 
 

Կազմակերպությունը հաշվարկել է, որ կորոնավիրուսի դեմ պայքարի համար ամեն ամիս պահանջվում է մոտ 89 միլիոն բժշկական դիմակ, մոտ 76 միլիոն զույգ բժշկական ձեռնոց և 1,6 միլիոն պաշտպանիչ ակնոց: «Առանց երաշխավորված մատակարարման ցանցերի, գլոբալ առողջապահության ոլորտի աշխատողները ռիսկի կենթարկվեն: Կառավարությունները պետք է արագ գործեն՝ ավելացնելով մատակարարման ծավալները, թուլացնել արտահանման սահմանափակումները և տեղական միջոցներ ձեռնարկել սպեկուլյացիաներին վերջ տալու համար»,- ասել է ԱՀԿ գլխավոր տնօրենը: