Կորոնավիրուսն հասավ Ուկրաինա
Ուկրաինայում գրանցվել է կորոնավիրուսով վարակվելու առաջին դեպքը: Այդ մասին մարտի 3-ին Կիեւում կայացած բրիֆինգում հայտնել Է երկրի առողջապահության փոխնախարար Վիկտոր Լյաշկոն։
«Երեկ ես ձեզ ասել եմ, որ մենք չորս դեպք ունենք կորոնավիրուսի կասկածով, այսօր այդ կասկածը հաստատվեց մի մարդու մոտ»,-ասել Է Լյաշկոն, որի ելույթը հեռարձակել են ուկրաինական հեռուստաալիքները:
Կորոնավիրուսով հիվանդը հոսպիտալացվել է: Նա կապ է ունեցել փոքր թվով մարդկանց հետ:
«Նրանք բոլորը հայտնի են համաճարակաբաններին, և այժմ մեկուսացված են»,- ավելացրել է Լյաշկոն:
