Հակառակորդի գործողություններից տուժած զինվորը փոխհատուցում կստանա. նոր օրենք
Եթե զինվորը վիրավորվել է ոչ թե մարտական գործողությունների ժամանակ, այլ անգամ զորամասում գտնվելիս, բայց հակառակորդի կրակոցից, նա ևս փոխհատուցման իրավունք կունենա։
Այսօր ԱԺ-ում առաջարկը ներկայացրեց ՀՀ պաշտպանության փոխնախարար Գաբրիել Բալայանը։
«Առաջարկվում է` անկախ այն հանգամանքից` դա եղել է մարտական հերթապահության ժամանակ, հատուկ առաջադրանք կատարելիս, թե ոչ, անգամ` թիկունքում, զորամասում, եթե զինծառայողը վնասվածքը ստացել է հակառակորդի նախաձեռնած գործողությունների ժամանակ` դիվերսիա, հրթիռակոծություն, հարձակում, նրա կյանքին կամ առողջությանը հասցված վնասը, որի ընթացքում 1-ին կամ 2-րդ կարգի հաշմանդամություն է առաջացրել, ենթական է փոխհատուցման»,– ասաց Գաբրիելյանը` հավելելով, որ նոր օրենքը տարածվելու է 2008թ–ից ի վեր տեղի ունեցած դեպքերի վրա։ Գաբրիելյանի խոսքով` նախատեսում են տարվա ընթացքում օրենքը տարածել 1998 թ–ից հետո տեղի ունեցած դեպքերի վրա։
