Շղթայական ավտովթար Կոմիտասի պողոտայում. կա վիրավոր
Երեկ՝ մարտի 1-ին, շղթայական ավտովթար է տեղի ունեցել Երևանում։ Ժամը 13։45-ի սահմաններում Կոմիտասի պողոտայի թիվ 39 հասցեի դիմաց բախվել են Երևանի բնակիչներ՝ 39-ամյա Արամ Ա-ի վարած BMW մակնիշի 55 AN 577 համարանիշի, 32-ամյա Դավիթ Ա.-ի վարած Mercedes մակնիշի 99 DG 998 համարանիշի, 29-ամյա Տիգրան Վ.-ի վարած ՎԱԶ 2110 մակնիշի 36 AT 775 համարանիշի, 34-ամյա Հակոբ Ք.-ին պատկանող, կայանված վիճակում գտնվող Nissan մակնիշի առանց համարանիշի, Րաֆֆի Պ.-ին պատկանող, կայանված վիճակում գտնվող Nissan մակնիշի 34 OZ 517 համարանիշի, Արթուր Ա.-ին պատկանող, կայանված վիճակում գտնվող Mazda մակնիշի 78 ZZ 789 համարանիշի ավտոմեքենաները։
Shamshyan.com-ի հաղորդմամբ՝ վթարի հետևանքով Արամ Ա․-ի ուղևոր՝ 6-ամյա Ա. Ա-ն մարմնական վնասվածքներով բուժօգնության է տեղափոխվել «Արաբկիր» բժշկական կենտրոն։
Փաստի առթիվ նյութեր են նախապատրաստվում։
