«Frontex»-ը միգրանտների հարցով անհապաղ օգնություն կցուցաբերի Հունաստանին
ԵՄ սահմանապահ պահպանության գործակալությունը «Frontex»-ը հայտարարել է, որ շտապ միջամտում է Հունաստանի արտաքին սահմաններին Թուրքիայից ներգաղթյալների հոսքի պատճառով:
«Frontex»-ի գլխավոր գործադիր տնօրենն այսօր համաձայնել է նախաձեռնել հրատապ սահմանային միջամտություն՝ օգնելու Հունաստանին մեծ թվով միգրանտների հարցը լուծելու գործում: Անցյալ գիշեր Հունաստանի կառավարությունը պաշտոնապես դիմել է «Frontex»-ին` նախաձեռնել հրատապ սահմանային միջամտություն Էգեյանում իր ծովային սահմաններում»,- ասված է հայտարարության մեջ:
Գործակալությունը պարզաբանում է, որ «սահմանային հրատապ միջամտությունը նպատակ ունի անհապաղ օգնություն ցուցաբերել ԵՄ անդամ պետությանը, որը արտաքին սահմանի վրա գտնվում է բացառիկ ճնշման տակ դրա, հատկապես այն պատճառով, որ ոչ ԵՄ անդամ երկրների մեծ թվով քաղաքացիներ փորձում են ապօրինի ներթափանցել այն տարածք»:
