Ռուսաստանի և Թուրքիայի նախագահների երկկողմ հաղորդակցության և հանդիպման մասին խոսք չկա, այդպիսի միջոցառում չի կազմակերպվում։ Այս մասին հայտարարել է Վլադիմիր Պուտինի խոսնակ Դմիտրի Պեսկովը։

Նա ասել է, որ հիմա քննարկվում է եռակողմ ձևաչափով հանդիպում կազմակերպելու հնարավորությունը։ Այդ հնարավոր հանդիպմանը, բացի Պուտինից և Էրդողանից, մասնակցելու է նաև Իրանի նախագահ Հասան Ռոհանին։

Մինչ այդ Էրդողանը հայտարարել էր, որ մտադիր է հանդիպում ունենալ Պուտինի հետ՝ Սիրիայի Իդլիբում լարվածության աճի հարցը քննարկելու համար։ Իդլիբը ներկայում կռվախնձոր է երկու տարածաշրջանային ուժերի համար։