Կորոնավիրուսն արհեստականորեն ստեղծված չէ. Ռուսաստանում Չինաստանի դեսպան
Ռուսաստանում Չինաստանի դեսպան Չժան Հանհուեյը հերքել է COVID-19 կորոնավիրուսի արհեստական ծագման մասին ենթադրությունները, որի տարածման կենտրոնը Չինաստանի Հուբեյ նահանգի Ուհան քաղաքն է, գրում է Interfax.com-ը:
«Ես ձեզ կարող եմ վստահեցնել, որ այն արհեստականորեն չի ստեղծվել: Այն, հավանաբար, SARS-ի պես վարակ է, որը փոխանցվում է վայրի կենդանիներից»,- երկուշաբթի ասել է Չժան Հանհուեյը՝ Մոսկվայում Չինաստանի դեսպանատանը կայացած ճեպազրույցի ժամանակ:
Ըստ նրա` վարկածն այն մասին, որ հիվանդության «տերերը» չղջիկներն են, ստուգվում է, բայց դեռևս հաստատված չէ:
