Թուրքիան «Patriot» համակարգերի գնման առաջարկ է ներկայացրել ԱՄՆ-ին
Թուրքիան ԱՄՆ-ին դիմել է ամերիկյան արտադրության «Patriot» ՀՕՊ (հակաօդային պաշտպանության) համակարգերի գնման առաջարկով:
Թուրքիայի պետական «Anadolu» լրատվական գործակալության տեղեկացմամբ` ԱՄՆ-ն դեռևս որոշում չի կայացրել «Patriot»-ի մարտկոցների վաճառքի վերաբերյալ, հայտնում է ermenihaber-ը։
Գործակալության թղթակիցը հարցազրույց է ունեցել ամերիկացի պաշտոնյայի հետ:
«Գիտենք, որ «Patriot» համակարգերի գնման վերաբերյալ առաջարկ ենք ստացել, սակայն ինչպես նկատում եք, առայժմ որևէ որոշում չի կայացվել»,-ասել է ամերիկացի պաշտոնյան:
Լրագրողի «Անկարան ե՞րբ է առաջարկ ներկայացրել Վաշինգտոնին» հարցին ի պատասխան` ամերիկացի պաշտոնյան հստակ տեղեկություններ չի հայտնել, փոխարենը նշել է` «վերջերս»:
