Այս պահի դրությամբ բալային համակարգի պատճառով որևէ մեկը դեռ չի զրկվել վարորդական իրավունքից։ Այս մասին այսօրվա ուղիղ միացմամբ վստահեցրեց վարչապետ Նիկոլ Փաշինյանը։ Նա նշեց, որ բոլոր զրկումները կապված են եղել կոպիտ խախտումների հետ։

Փաշինյանը տեղեկացրեց, որ վարորդական իրավունքից զրկումները պայմանավորված են եղել խմած վարելու, առանց պետհամարանիշների վարելու, ոստիկանության պահանջը չկատարելու և նման դեպքերի հետ։

Իսկ բալային համակարգով բալերից զրկվելու հետևանքով վարորդական իրավունքից մարդկանց մի մասը կզրկվի մարտի վերջին-ապրիլի սկզբին։ Սա Փաշինյանի կանխատեսումն է։ Եվ հենց այդ ժամանակ, ըստ Փաշինյանի, հնարավոր կլինի մանրակրկիտ վերլուծել և անհրաժեշտության դեպքում «տյունինգ» անել բալային համակարգը։

Վարչապետը խոստացավ այդ թեմային վերադառնալ հենց այդ ժամանակահատվածում։