Նախատեսվում է Անվտանգության խորհրդի համատեղ նիստ. Փաշինյանը ներկա կլինի
Շուտով Արցախում տեղի կունենա ՀՀ-ի և Արցախի Անվտանգության խորհուրդների համատեղ նիստը։ Արցախ կմեկնի նաև վարչապետ Նիկոլ Փաշինյանը։ Այս մասին հայտնում է ArmDaily.am-ը:
Հիշեցնենք, որ հեղափոխությունից հետո սա երրորդ համատեղ նիստն է։
Առաջինը տեղի ունեցավ մարտի 12-ին Ստեփանակերտում՝ Հայաստանի Հանրապետության վարչապետ Նիկոլ Փաշինյանի և Արցախի Հանրապետության նախագահ Բակո Սահակյանի համանախագահությամբ։ Օրակարգի հիմնական թեման վերաբերում էր Լեռնային Ղարաբաղի հիմնահարցի խաղաղ կարգավորման գործընթացում ներկա իրավիճակի համատեղ գնահատմանը և համակարգված գործողությունների ուրվագծմանը: Նշենք, որ այդ նիստին չէր մասնակցում ՀՀ նախագահ Արմեն Սարգսյանը։ Նախագահականից հայտնել էին, որ պատշաճ հրավեր չի եղել, կառավարությունից էլ արձագանքել էին, թե ամեն ինչ արվել է օրենքին համապատասխան։ Երկրորդ նիստը տեղի ունեցավ դեկտեմբերի 23-ին՝ Երևանում։
