Փաշինյանը մասնակցելու է «ԱՅՈ»-ի քարոզարշավին․ «Իմ քայլի» նիստն ավարտվեց
Քիչ առաջ ավարտվեց «Իմ քայլը» խմբակցության փակ նիստը, որին մասնակցում էր նաեւ ՀՀ վարչապետ Նիկոլ Փաշինյանը։ ՔՊ գրասենյակից դուրս գալիս ի պատասխան լրագրողի հարցի՝ մասնակցելո՞ւ է «ԱՅՈ»-ի քարոզարշավին, վարչապետն այսպես պատասխանեց․ «Այո, այո»։
Հիշեցնենք՝ այսօր պաշտոնապես մեկնարկեց ապրիլի 5-ին կայանալիք Սահմանադրական հանրաքվեի քարոզարշավը, որը շարունակվելու է մինչեւ ապրիլի 4-ը։ «Այո»-ի քարոզչական շտաբն արդեն ձեւավորվել է՝ Տարածքային կառավարման եւ ենթակառուցվածքների նախարար Սուրեն Պապիկյանի գլխավորությամբ։
«Քաղաքացիական պայմանագիր» կուսակցությունը, սակայն, այսօր որեւէ հանրային միջոցառում չի նախատեսում։
Այս մասին «Հայկական ժամանակ»-ի հարցին ի պատասխան՝ ավելի վաղ նշել էր «Իմ քայլը» խմբակցության քարտուղար Հակոբ Սիմիդյանը:
