«Մենք թշնամի ունենք երեխեք, ու ձեր խաղերի ժամանակը չունենք». Երվանդ Վարոսյան

Փաստաբան Երվանդ Վարոսյանը ֆեյսբուքյան իր էջում գրում է. «Վաղը երկուշաբթի է։ Դե վեր կացեք ու ձեր ողջ իշխանությունով ասեք, թե վաղը ժամը քանիսի՞ց եք դադարեցնում ներքին թշնամանքի ու ատելության քարոզը, քանիսի՞ց եք դադարում թշնամիներին փնտրել մեր քաղաքներում, ավաններում ու գյուղերում, քանիսից եք դադարեցնում ֆեյսբուկապետության շրջանակներում հակառակորդներին պախարակելու ու խալխին հաճոյանալու արշավն ու գործով զբաղվելու, գործով, ժամը քանիսին եք մեզ հստակ ներկայացնելու ձեր անելիքները, ծրագրերը։ Մեկ էլ վաղը չմոռանաք որևէ ժամի հստակ գնահատական տալ վերջին օրերին բանակում տեղի ունեցած ողբերգական դեպքերը շահարկող անասուններին, ովքեր այդ ամենի տակ դիտավորություն են տեսնում ու հայ մարդկանց անուններ տալիս, թե չէ տպավորություն է, որ դա իրականացնող ստահակները ձեզնից շատ հեռու չեն։ 
Մենք թշնամի ունենք երեխեք, ու ձեր խաղերի ժամանակը չունենք, մեզ պետություն է պետք, տնտեսություն, զենք, կարգապահ բանակ, միասնական հասարակություն, ավանդական ազգային արժեքներ, ազգային գաղափարախոսություն, միջազգային ասպարեզում կանխատեսելի հարաբերություններ... 
Դուք այսօր դեռ չեք հասկանում, բայց ամենաքիչը դուք եք մեզ պետք, երեխե՛ք»։