Թուրքիան մտադիր չէ սրել հարաբերությունները Ռուսաստանի հետ
Թուրքիան մտադիր չէ սրել հարաբերությունները Ռուսաստանի հետ սիրիական Իդլիբում տիրող իրավիճակի պատճառով, ասել է նախագահ Ռեջեփ Թայիփ Էրդողանը:
«Այս փուլում մենք չպետք Ռուսաստանի հետ բախման կամ լուրջ հակասությունների մեջ մտնենք: Մենք ՌԴ-ի հետ ունենք ռազմավարական նախագծեր, ինչպիսիք են «Թրքական հոսքը» և «Ակկույու» ԱԷԿ-ը: Խոսք չկա այն մասին, որ մենք կհրաժարվենք Ս-400 ՀՕՊ համակարգից: Նա, ով զայրույթից վեր է կենում, վնասում է ինքն իրեն»,- մեջբերում է Էրդողանի խոսքերը Sabah թերթը:
Միևնույն ժամանակ, Էրդողանը Իդլիբում թուրք զինվորականների հրետակոծության միջադեպը անվանել է էսկալացիոն գոտում Ռուսաստանի հետ համաձայնագրի «ակնհայտ խախտում»: Ըստ նրա, Անկարան նախկինում հայտնել էր ռուսական կողմին իր զորքերի տարհանման մասին:
