Նուբարաշենում մեքենան կողաշրջվել է. տուժածներին քաղաքացիներն են դուրս բերել մեքենայից
Հունվարի 31-ին, ժամը 15:47-ին 911 ահազանգման կենտրոն տեղեկություն է հաղորդվել, որ Երևանի Նուբարաշեն վարչական շրջանի գերեզմանտան մոտակայքում տեղի է ունեցել ՃՏՊ` ավտոմեքենան կողաշրջվել է. տուժածներ չկան:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ «Mercedes E» մակնիշի ավտոմեքենան դուրս է եկել ճանապարհի երթևեկելի հատվածից, բախվել էլեկտրական սյանը և կողաշրջվել:
Մինչ փրկարարների՝ կանչի վայր հասնելը տուժածները քաղաքացիների ուժերով դուրս են բերվել ավտոմեքենայից:
Փրկարարները հոսանքազրկել են ավտոմեքենան:
