Mercedes-ն ու BMW-ն Արտաշատում ճակատ-ճակատի բախվել են իրար. կան վիրավորներ
Այսօր՝ հունվարի 29-ին, խոշոր ավտովթար է տեղի ունեցել Արարատի մարզում: Ժամը 21:40-ի սահմաններում Արտաշատ քաղաքի Մարքսի փողոցում բախվել են BMW մակնիշի 44 MM 770 համարանիշի և Mercedes C220 մակնիշի 51 ԼT 500 համարանիշի ավտոմեքենաները:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 3 հոգի մարմնական վնասվածքներով տեղափոխվել են «Արտաշատ» բժշկական կենտրոն: Ոստիկանությունը պարզում է վարորդների և վիրավորների ինքնությունը: Հետաքննիչի հանձնարարականով մետաղե ջարդոնի վերածված ավտոմեքենաները քարշակի միջոցով տեղափոխվեցին ոստիկանության Արտաշատի բաժնի պահպանվող հատուկ տարածք:
