ՏԵՍԱՆՅՈՒԹ. Չինացի բուժքույրը պատմել է Չինաստանում կորոնավիրուսով 90 000 վարակված մարդկանց մասին
Չինացի բուժքույրը հայտնել է, որ երկրում կորոնավիրուսով վարակվել է մոտ 90 000 մարդ, ինչը մի քանի անգամ գերազանցում է կառավարական չինովնիկների հաղորդած թվից՝ 1400: Այս մասին գրում է Daily Mail-ը:
Պաշտպանիչ վերնահագուստով և բժշկական դիմակով չինուհին այդ ամենը պատմել է տեսանյութի միջոցով Ուհան քաղաքում:
Տարածված տեսանյութում նա նշում է, որ այժմ գտնվում է այն շրջանում, որտեղ բռնկվել է կորոնավիրուսը: Հոլովակը Youtube-ում դիտվել է ավելի քան 2 միլիոն անգամ: Չինուհին մարդկանց հորդորում է դուրս չգալ փողոց և խուսափել չինական Նոր տարվա տոնակատարություններին մասնակցելուց:
