Ավստրալիայում կենդանիների բուժման համար բժշկական կենտրոն է բացվել

Ավստրալիայում հրդեհները խոշոր հարված են հասցրել կենդանական աշխարհին: Անտառային հրդեհներից տուժած կենդանիների բուժման համար վայրի բնության Kangaroo Island այգում բժշկական կենտրոն է բացվել: Այս մասին գրում է AFP-ը: 

Տուժած կենդանիների թիվն այնքան մեծ է, որ անասնաբույժները չեն հասցնում նրանց անուններ դնել, պարզապես համարակալում են: Ցավոք սրտի, կան կենդանիներ, որոնց վնասվածքները կյանքի հետ անհամատեղելի են և ենթարկվում են էվթանազիայի: 

Անասնաբույժների տվյալներով մինչ հրդեհները մոտ 46 000 կոալա է եղել Ավստրալիայում, այժմ նրանց թիվը 9000 է: Կոալաները կարող են ներառվել վերացող կենդանատեսակների ցանկում: