ՏԵՍԱՆՅՈՒԹ. Հիվանդանոցի ներսում բողոքի ակցիա չկա , կա հիվանդանոցից դուրս. Եղվարդի հիվանդանոցի տնօրեն
Ինչպես արդեն հայտնել էինք, Կոտայքի մարզի Եղվարդ քաղաքի ծննդատունը լուծարվում է։ Ծննդատունը լուծարվելու խնդրով բողոքի ակցիա են իրականացնում ծննդատան բուժաշխատողները։
Ծննդատան աշխատակիցները հայտնում են որ , մեկ տարվա ընթացքում բուժհաստատությունում գրանցված ծնունդների թիվը 17-ով բարձրացել է, վերջին ցուցանիշով ծնունդների թիվը 139 է եղել:
Հավելենք, որ Եղվարդի Նաիրի բժշկական կենտրոնը սպասարկում է Եղվարդի, Նոր Հաճնի քաղաքային և 16 գյուղական համայնքների:
Auroranews-ը կապ հաստատեց Նաիրի բժշկական կենտրոնի տնօրեն Արմեն Նազարյանի հետ, որը մեզ հետ զրույցում հայտնեց, որ որևէ բողոքի ակցիա չկա հիվանդանոցի ներսում, կա հիվանդանոցից դուրս և դա չի խանգարում հիվանդանոցի բնականոն աշխատանքին:
Նազարյանը իր խոսքում նշեց, որ հիվանդանոցը պաշտոնական գրություն չի ստացել, այն մասին, որ ծննդատունը փակվելու է:
«Մենք նախապատրաստական աշխատանքներ ենք իրականացնում ծնունդները նորմալ տեղափոխելու ուղղությամբ: Ինձ համար սրտացավանք է ծննդատան փակվելը, բայց այս պարագայում առաջնային է ծննդկանի առողջական վիճակի վերահսկողությունը, ծննդկանը պետք է լինի բարձրակարգ բժշկական վերահսկողության տակ»,- ասաց Նազարյանը:
Մանրամասները՝ տեսանյութում.
Ջեմմա Սարդարյան