Տավուշի մարզի Աչաջուր համայնքի ծննդատունը նույնպես փակվում է
Տավուշի մարզի Աչաջուր գյուղի տարեկան 110-120 ծնունդ ընդունող եւ հարակից գյուղերին սպասարկող ծննդատունը կագնած է փակման վտանգի առաջ: NEWS.am-ի հետ զրույցում Աչաջուրի համայնքապետ Կարեն Ղալթախչյանը ասաց, որ ծննդատունը փակելու մասին ծանուցագիրը տնօրինությունը ստացել է հունվարի 10-ին, ինչն էլ առաջացրել է գյուղացիների վրդովմունքը: Նրա խոսքով` լուրն իմանալուց ժամեր անց արդեն գյուղացիները հավաքվել էին ծննդատան մոտ:
Նա նշեց, որ 5000 բնակչություն ունեցող գյուղի համար ծննդատունը շատ անհրաժեշտ է, նաեւ առաջին բուժօգնություն են այնտեղ ցույց տալիս:
Նա նշեց, որ հնարավոր է` իրենց խնդրով դիմում ուղղեն վարչապետին կամ մարզպետին:
Հիշեցնենք, որ օրերս հայտնի դարձավ, որ Մարալիկի ծննդատունը ևս չի ֆինանսավորվի։
Մանրամասները՝ NEWS.am-ի տեսանյութում
