ՏԵՍԱՆՅՈՒԹ. Ամենամեծ պրոբլեմներից մեկը վերաբերում է զուգարանների խնդրին. Փաշինյան
Վերջին 30 տարում զբոսաշրջիկների սպասարկման ոլորտը գրեթե նույն ցածր մակարդակի վրա է մնացել՝ միայն որոշ դեպքերում որոշակի առաջընթաց ունենալով։ Այս մասին այսօր կառավարության նիստի ժամանակ հայտարարեց վարչապետը։
Նիկոլ Փաշինյանը շեշտեց, որ զբոսաշրջիկների համար անհրաժեշտ է պատրաստել տեղեկատվական թերթիկներ, որոնք կտեղեկացնեն մասնավորապես տաքսիների գների մասին, համեմատաբար բարվոք ծառայությունների մասին և այլն։
«Հայաստանի Հանրապետությունում, որքան էլ զավեշտալի հնչի, որ մենք այս հարթակում ստիպված ենք էսպիսի հարցեր քննարկել, ամենամեծ պրոբլեմներից մեկը վերաբերում է զուգարանների խնդրին», – ասաց Փաշինյանը։
Նրա խոսքով՝ սա քաղաքակրթական խնդիր է, քանի որ մարդիկ կարող են 5-հարկանի ռեստորան սարքել, բայց աղետյալ զուգարաններ ունենալ։
