Հնդկաստանի հյուսիսում ավելի քան 100 մարդ է զոհվել՝անձրևներից հետոառաջացրած հեղեղումների և սողանքների հետևանքով։ Այս մասին հաղորդում է India Today պարբերականը։

Պարբերականի փոխանցմամբ՝ ամենից շատ տուժել է  Հիմաչալ Պրադեշի նահանգը, որը գտնվում է Հիմալայների նախալեռներում: Այստեղ տեղի են ունեցել բազմաթիվ սողանքներ, ջրի տակ են անցել շատ բնակավայրեր։ Նահանգում տարերքի հարվածի հետևանքով զոհվել է մոտ 80 մարդ, անձրևները գործնականում դադարել են։ 

Հյուսիսային նահանգների լեռնային շրջաններում ճանապարհների հեղեղումների պատճառով խաթարվել է ավտոտրանսպորտի երթևեկությունը, ինչի հետևանքով նախկինի նման լեռներում արգելափակված են մոտ 300 զբոսաշրջիկներ։

Երեկվա դրությամբ Դելիում Յամունա գետի ջրի մակարդակը գերազանցել է վտանգավոր շեմը և հասել վերջին տասը տարվա ընթացքում ամենաբարձր նշագծին: Ըստ որում՝ դա քաղաքում լուրջ ավերածությունների չի հանգեցրել։ Հուլիսի 9-ին Նյու Դելիում գրանցվել է օրական տեղումների` 40 տարվա առավելագույն ցուցանիշը` 153 մմ: