Խոշոր հրդեհ` գերեզմանատան մոտակայքում

Դեկտեմբերի 30-ին, ժամը 08:23-ին «911» ծառայություն տեղեկություն է հաղորդվել, որ Լոռու մարզի Վանաձոր քաղաքի «Կոնգո» կոչվող գերեզմանատան մոտակայքում այրվում է անասնագոմ։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ:

Պարզվել է, որ Նարեկացու փողոցի 2-րդ փակուղու վերջնամասում՝ անասնագոմի մոտակայքում, այրվում է կուտակած անասնակեր (մոտ 1200 հակ)։

Հրդեհը մեկուսացվել է ժամը 09։20-ին, մարվել՝ 16։40-ին։

Ամբողջությամբ այրվել է մոտ 1200 հակ անասնակեր։