Մանսուրյանը մասնակցել է իր կինոերաժշտությանը նվիրված համերգին
Հայաստանի սիմֆոնիկ նվագախումբը Արամ Խաչատրյան համերգասրահում ներկայացրել է Ամանորի տոնական համերգ: Հնչել է Տիգրան Մանսուրյանի կինոերաժշտությունը՝ նոր գործիքավորմամբ: SHANTNEWS-ի թղթակցին Տիգրան Մանսուրյանն ասել է, որ իր այս աշխատանքները դրական հուշեր են արթնացնում: Համերգին մասնակցել են նաև կառավարության անդամները: Փոխվարչապետ Տիգրան Ավինյանն այս համերգին հրավիրել էր նաև Երևանի և Վանաձորի տարեցների խնամքի տների բնակիչներին:
«Այս երաժշտությունը լսելիս այն լավ տարիներն եմ հիշում, երբ այս երաժշտությամբ էի ապրում ու կինոյի ընկերների հետ էի, ռեժիսորներ, թատրոնի, կինոյի գործիչներ, գրականության մարդիկ, որոնց հետ տարիներով աշխատել ենք: Այս ամենի հետ հուզվում եմ, ինչպես և ունկնդիրը»,- ասաց Մանսուրյանը:
