Արամ Ա-ն շնորհավորել է Նիկոլ Փաշինյանին

Վարչապետ Նիկոլ Փաշինյանին գալիք Ամանորի և Սուրբ Ծննդյան տոների առթիվ շնորհավորական ուղերձ է հղել Ն.Ս.Օ.Տ.Տ. Արամ Ա Մեծի Տանն Կիլիկիո Կաթողիկոսը։

Ուղերձում, մասնավորապես, ասված է.

«Սիրելի պարոն վարչապետ,

Նոր տարվա և Աստվածահայտնության տոների շեմին Մեծի Տանն Կիլիկիո Կաթողիկոսության Անթիլիասի Մայրավանքից քրիստոնեական ջերմ սիրով ու հայրապետական օրհնությամբ ողջունում ենք Ձեզ և մեր սիրելի ժողովրդին։

Աղոթում ենք առ Բարձրյալ Աստված, որ իր երկնային հովանու ներքո անվթար պահի մեր հայրենիքը, ինչպես նաև Ձեզ պարգևի առավել կորով, որպեսզի կարողանաք թավշյա հեղափոխությամբ բացված նոր էջը Հայաստանի ժամանակակից պատմության մեջ հարստացնել նորանոր իրագործումներով»։