Գրիբոյեդովի արձանը ներկելու փաստով նշանակվել է փորձաքննություն

Երևանի Օղակաձև այգում ռուս նախկին դիվանագետ, գրող Ալեքսանդր Գրիբոյեդովի արձանը Շահեն Հարությունյանի կողմից ներկելու փաստով նշանակվել է փորձաքննություն։ Այս մասին «Հայկական ժամանակ»-ի հարցին ի պատասխան՝ տեղեկացրել է ոստիկանության լրատվական բաժնի աշխատակից Զարզանդ Գաբրիելյանը. «Հասցված վնասի չափը պարզելու համար նշանակվել է փորձաքննություն, որի պատասխանը դեռ չի ստացվել»,- նշել է նա` հավելելով, որ հետաքննությունը շարունակվում է։

Հիշեցնենք, որ Շահեն Հարությունյանը դեկտեմբերի 2-ի երեկոյան ֆեյսբուքյան իր էջում տեղեկացրել էր Գրիբոյեդովի արձանը ներկելու մասին. «Կարմիրով ներկել եմ Ռուսական կայսրության դեսպան, գրող Գրիբոյեդովի արձանը՝ ի պատասխան Նժդեհի հուշատախտակի ներկմանը»,- գրել էր նա: Հրապարակման հիման վրա ոստիկանությունում սկսվել էր նյութերի նախապատրաստումը։ Հաջորդ օրը Շահեն Հարությունյանը հրավիրվել էր Ոստիկանության Կենտրոնի բաժին` կատարածի վերաբերյալ բացատրություն տալո