Սա հերթական մեծ հաղթանակն է մեր ժողովրդի համար. Արցախից շնորհավորում են
Արցախի Հանրապետության նախագահի մամուլի խոսնակ Դավիթ Բաբայանը ֆեյսբուքյան էջում անդրադարձել է ԱՄՆ Սենատի կողմից Հայոց ցեղասպանության բանաձևի ընդունմանը:
Դավիթ Բաբայանը գրել է.
«Թանկագի՛ն հայրենակիցներ, բարեկամներ, կուսակիցներ,
Դեկտեմբերի 12-ին ԱՄՆ Սենատը ընդունեց Հայոց ցեղասպանությունը դատապարտող բանաձեւը:
Սա հերթական մեծ հաղթանակն է մեր ժողովրդի համար:
Արցախի պահպանողական կուսակցությունն ի սրտե շնորհավորում է մայր Հայաստանի, Արցախի եւ Սփյուռքի մեր բոլոր քույրերին ու եղբայրներին այս նշանակալի իրադարձության կապակցությամբ:
Դրա կերտման գործում ընդգկված բազմաթիվ մարդկանց անձամբ ենք ճանաչում եւ այսօր հպարտ ենք, որ ունենք նման պարկեշտ, հայրենասեր եւ արհեստավարժ ընկերներ»:
