![Մարդուն օրգաններ փոխպատվաստելու կարգի մասին հրամանն ուժի մեջ է մտել](https://auroranews.am/storage/img/base_image/old/dd8f330d40bedba70393eb4a8c016222.webp)
Մարդուն օրգաններ փոխպատվաստելու կարգի մասին հրամանն ուժի մեջ է մտել
![Մարդուն օրգաններ փոխպատվաստելու կարգի մասին հրամանն ուժի մեջ է մտել](https://auroranews.am/storage/img/base_image/old/dd8f330d40bedba70393eb4a8c016222.webp)
ՀՀ առողջապահական և աշխատանքի տեսչական մարմինը տեղեկացնում է, որ 2019թ․ դեկտեմբերի 3-ին ուժի մեջ է մտել ՀՀ առողջապահության նախարարի 2019թ․ նոյեմբերի 20-ի N 56-Ն հրամանը, որով փոփոխություններ և լրացումներ են կատարվել ՀՀ առողջապահության նախարարի 2019թ․ փետրվարի 1-ի՝ «Փոխպատվաստման օրգաններ և կամ հյուսվածքներ վերցնելու մշակելու կանոնները և փոխպատվաստումն իրականացնելու կարգը hաստատելու մասին» հրամանը։
«Այս առումով, համաձայն կանոնադրության, Առողջապահական և աշխատանքի տեսչական մարմնի լիազորություններից է՝
«Մարդուն օրգաններ և (կամ) հյուսվածքներ փոխպատվաստելու մասին» Հայաստանի Հանրապետության օրենքով նախատեսված` իր իրավասության սահմաններում վերահսկողության իրականացումը`
ա. փոխպատվաստման օրգաններ և (կամ) հյուսվածքներ վերցնելու, մշակելու և փոխպատվաստման իրականացման նկատմամբ,
բ. օրգանների և հյուսվածքների դոնորների ու ռեցիպիենտների ռեեստրի գործունեության, տեղեկությունների գրանցման և օգտագործման նկատմամբ,
գ. դիակից օրգաններ և (կամ) հյուսվածքներ վերցնելու թույլտվության նկատմամբ»։